كيف أحجز تذكرة طيران رخيصة؟

جاي عبالكم تسافروا بس الميزانية مش سامحة؟ اقرأوا هذه المدونة لتعرفوا كيف أنا بحجز تذاكر رخيصة!

السفر بميزانة قليلة لعبتي. بدأت السفر بميزانية قليلة جدا لما كنت طالبة في ألمانية قبل عدة سنوات. بعد هيك صار الموضوع هوس عندي. 80 يورو لرحلة 4 أيام للدنمارك (تذكرة طيارة+مبيت+مواصلات)؟ 70 يورو ل5 أيام في البورتغال (تذكرة طيارة+مبيت)؟ مافي شيء مستحيل!

فكيف بحجز تذاكر طيارة رخيصة؟

واحد من مواقعي المفضلة هو skyscanner.net وهلأ رح أشرحلكم كيف تستخدموه لتحصلوا على أرخص الأسعار!

لكن أولاً، يجب التذكير أنه من المستحيل حجز تذكرة طيران رخيصة إذا بدك تسافر الأسبوع الجاي... القواعد ذهبية لحجز تذاكر رخيصية هي:

1. احجز مبكرا

2. مش مهم وين انت رايح المهم تسافر

3. الفترة الزمنية للسفر تكون شوي flexible

الشيء الذي يميز موقع skyscanner.net هو انه بإمكاني ترك خانات الوجهة وزمن السفر فاضيين. في كتير مواقع مثل هيك بس اليوم رح أحكي عن هذا الموقع خصيصا..

خطوات بسيطة

1. افتح موقع skyscanner.net

2. أدخل المطار أو البلد الذي ستسافر منه

3. اترك خانة الوجهة خالية

4. اضغط على Depart Date ثم Whole Month ثم Cheapest Month أو اختار الشهر الذي تريد السفر فيه

5. اضغط على Search Flights

6. هنا سيقوم الموقع بمقارنة أسعار تذاكر لوجهات متعددة من جميع شركات الطيران وسيعطيك أرخص أسعار تذاكر لجميع الوجهات!

وهيك بنحجز أرخص تذاكر طيران! انتو شو مواقعكم المفضلة لحجز التذاكر؟ خبروني بالتعليقات..